తేది: జూలై 05, 2012 నాటి శంకరాభరణంలోని పద్య రచన శీర్షికన ఇచ్చిన చిత్రమునకు నేను రాసిన పద్యములు
కం.
సూక్ష్మమున మోక్ష మిచ్చెడు
లక్ష్మీ గణపతుల పూజ లక్షణముగ నా
నా క్ష్మాదేవులు సేతురు
పక్ష్మలితము లేక దృష్టిఁ బఱపుచు భక్తిన్!
(పక్ష్మలితము = ఱెప్పపాటు)
తే.గీ.
ధూప దీప నైవేద్య హారోపచార
భూష ణాభిషే కారాధ్య పూర్ణ కుంభ
పూజ నాదులు మఱియు దేవోత్సవములు
రథ విహారమ్ము లర్చక ప్రవరు లిడుచు!
ఆ.వె.
నిత్య జీవితమును నిర్మ లామోదులై
గడపు చుందు రెలమిఁ గ్రమము గాను!
దైవ భక్తి తోడ తరతరమ్ములు గోరి
యర్చ సేయు చుందు రర్చకు లటు!!
నిత్య జీవితమును నిర్మ లామోదులై
గడపు చుందు రెలమిఁ గ్రమము గాను!
దైవ భక్తి తోడ తరతరమ్ములు గోరి
యర్చ సేయు చుందు రర్చకు లటు!!
కామెంట్‌లు లేవు:
కామెంట్‌ను పోస్ట్ చేయండి