సమస్యాపూరణం: కమఠమునం జొచ్చి మేలుఁ గనెఁ బథికుఁ డటన్

తేది: ఆగస్టు 16, 2012 నాటి శంకరాభరణంలోని

సమస్యాపూరణం శీర్షికన ఇచ్చిన సమస్యకు

నేను రాసిన రెండు పూరణలు

కమలాక్ష నిభుఁడునౌ గౌ
తమబుద్ధుని నాశ్రయించి, 'దమ్మపదము'నన్
విమలుండుఁ గాఁ దలంచి, యిఁ
క, మఠమునం జొచ్చి, మేలుఁ గనెఁ బథికుఁ డటన్! (1)

విమలాత్ముఁడౌ జినున్ గౌ
తమ బుద్ధుని నాశ్రయించి, 'ధర్మ పథము'నన్
శ్రమణక వృత్తిఁ గొనెడి వే
డ్క, మఠమునం జొచ్చి, మేలుఁ గనెఁ బథికుఁ డటన్! (2)