సమస్యలు: 1.రామజోగిమందు ప్రాణహరము 2.లలితకళాభిమానము హలాహల సన్నిభ మెల్లవారికిన్

1. సమస్య: రామజోగి మందు ప్రాణహరము 

రామజోగి మందు బ్రహ్మేంద్రదివిజుల
కర్ణపేయకార కామృతమ్ము!
రావణాది దుష్ట రాక్షసాధములకు
రామజోగి మందు ప్రాణహరము!!

2. సమస్య: లలితకళాభిమానము హలాహల సన్నిభ మెల్లవారికిన్

సలలిత మోద దాయకము, సద్రస బంధుర సత్ఫలమ్ము స
ల్లలితకళాభిమానము! హలాహల సన్నిభ, మెల్లవారికిన్
జ్వలిత హృదంతర హ్రదము, సంచలితాత్మ నికృంతనమ్ము, దు
ష్ఫలితద, మా కళారహిత సత్త్వ మదెంతయు దుఃఖ దాయియౌ!!