ఓం నమో భగవతే వాసుదేవాయ
శ్రీ కేశవ కంద గీత గర్భ చంపకోత్పల శతకము
[గర్భకవిత్వము]
ఇరువదిరెండవ పద్యము:
చంపకమాల:
మని, చని, కోరి నిన్, స్మరణ మంచిన నీకుఁ బ్రసన్నలైరి, చి
ద్ఘన! వనితల్! హరీ! కనులఁ గాంచిరి నిండుగఁ గాంక్షతీర! గో
మునఁ జను రాధకున్ మదిని మ్రోఁగెను వేణు సమర్థ గీతి, కే
కి నటనయే! వెసన్ రతులు క్రీడన లిత్తె! పరాత్మ! కేశవా! 22
గర్భిత కందము:
చని, కోరి నిన్, స్మరణ మం
చిన నీకుఁ బ్రసన్నలైరి; చిద్ఘన! వనితల్!
చను రాధకున్ మదిని మ్రోఁ
గెను వేణు సమర్థ గీతి, కేకి నటనయే! 22
గర్భిత తేటగీతి:
స్మరణ మంచిన నీకుఁ బ్రసన్నలైరి!
కనులఁ గాంచిరి నిండుగఁ గాంక్షతీర!
మదిని మ్రోఁగెను వేణు సమర్థ గీతి!
రతులు క్రీడన లిత్తె! పరాత్మ! కేశ! 22
స్వస్తి
’మధురకవి’ గుండు మధుసూదన్, శేషాద్రిహిల్స్, ఓరుగల్లు
కామెంట్‌లు లేవు:
కామెంట్‌ను పోస్ట్ చేయండి