సమస్య: తులువను దండించువాఁడు దుర్మార్గుఁ డగున్

తేది: నవంబర్ 12, 2014 నాటి శంకరాభరణంలోని సమస్యాపూరణం శీర్షికన ఈయబడిన సమస్యకు నా పూరణము

(1)
ౘలమరియు బాలిశుండగు
తులువను సరిచేయఁగాను దొలియత్నమునున్
బలిమినిఁ బూనఁగ, నెట్టులఁ
దులువను దండించువాఁడు దుర్మార్గుఁ డగున్?

(2)

కలహించి కుత్సితముచే
విలువలఁ గోల్పోయి మెలఁగు పిశునుని చేష్టన్
నిలువరము చేయఁగను నా
తులువను దండించు! వాఁడు దుర్మార్గుఁ డగున్!!